ភ្នំពេញ : ក្រសួងព័ត៌មានកម្ពុជាបានបញ្ជាក់ដល់អង្គភាពប្រព័ន្ធផ្សព្វផ្សាយ និងមន្ត្រីព័ត៌មានទាំងអស់ដែលបានទទួលលិខិតអនុញ្ញាតធ្វើដំណើរពីក្រសួងព័ត៌មានថា អាចបន្តសុពលភាព និងប្រើប្រាស់លិខិតអនុញ្ញាតធ្វើដំណើររហូតដល់ការបិទខ្ទប់ភូមិសាស្រ្តរាជធានីភ្នំពេញ និងក្រុងតាខ្មៅនៃខេត្តកណ្តាលបានបិទបញ្ចប់។

រដ្ឋមន្ត្រីក្រសួងព័ត៌មាន លោក ខៀវ កាញារីទ្ធ បានចេញលិខិតជូនដំណឹងនៅថ្ងៃទី២៨ ខែមេសា ឆ្នាំ២០២១នេះ គឺដោយយោងតាមសេចក្តីសម្រេចរបស់រាជរដ្ឋាភិបាលកម្ពុជាពីការសម្រេចបន្តការបិទខ្ទប់ភូមិសាស្ត្ររាជធានីភ្នំពេញ និង ក្រុងតាខ្មៅនៃខេត្តកណ្តាល សម្រាប់រយៈពេល ៧ (ប្រាំពីរថ្ងៃបន្តទៀត រហូតដល់ថ្ងៃទី៥ ខែឧសភា ឆ្នាំ២០២១)៕